Дортмунднинг "Боруссия" клуби вингери Карим Адейеми "Ювентус"дан таклиф олди.
"Кекса сеньора"нинг 22 ёшли футболчига қизиқиши ҳақидаги маълумотлар июнь ойида пайдо бўлганди. Инсайдер Фабрицио Романонинг янгиланган маълумотларига кўра, "Ювентус" чоршанба куни Адейеми атрофидагилар билан бевосита боғланган. Туринликлар вакиллари германиялик футболчига шартнома таклиф қилишган, "Боруссия" билан музокаралар ҳали бошланмаган.
Transfermarkt портали экспертлари фикрича, Карим Адейемининг нархи 28 миллион еврони ташкил қилади. Қанот ҳужумчисининг "асаларилар" билан тузилган меҳнат шартномаси 2027 йилнинг ўрталарига қадар тузилган.
