"Милан" ва "Тоттенхэм" ҳимоячи Эмерсон Роялнинг трансфери шартлари бўйича келишувга яқинлашди.
Томонлар анчадан буён музокара олиб боришмоқда, бироқ “шпорлар”нинг сўровлари “россонерилар” беришга тайёр бўлган суммадан сезиларли даражада катта. Инсайдер Фабрицио Романонинг сўзларига кўра, сўнгги муҳокамалардан сўнг вазият ижобий томонга ўзгарган – энди “Тоттенхэм”нинг талаби ва “Милан” таклифи ўртасидаги фарқ 3 миллион еврони ташкил этади. Клублар тез орада муроса топишга ҳаракат қилишади.
Эмерсон Роялнинг ўзи май ойида "Милан"га кўчиб ўтишга рози бўлганди. 25 ёшли бразилиялик футболчи "Тоттенхэм"да захира ўйинчиси бўлишни истамаяпти.
