"Барселона" ёшлар жамоасининг икки футболчиси мавсумолди тайёргарликнинг дастлабки кунларида Ханс-Дитер Фликни ҳайратда қолдира олди.
Гап 16 ёшли амакиваччалар Гилье Фернандес ва Тони Фернандес ҳақида кетмоқда. Биринчиси ярим ҳимояда ўйнайди, иккинчиси ҳужумчи. Журналист Алекс Пинтанелнинг сўзларига кўра, “Блауграна” бош мураббийи Флик ҳар икки футболчининг мавсумолди машғулотларидаги ўйинларидан ҳайратда қолган.
Албатта, Фернандеслар ҳали асосий таркибда майдонга тушмаган, Тони Каталония грандининг ўринбосарлар жамоасида ҳам ўйнамаган. Иккаласи ҳам Испания терма жамоасида 17 ёшгача бўлган тоифада ҳаракат қилган.
31 июль куни "Барселона" "Манчестер Сити"га қарши ўртоқлик учрашуви ўтказади.
