"Ан-Наср" марказий ҳимоячиси Эмерик Лапорт "Реал"нинг нишонига айланди.
30 ёшли футболчи ўтган мавсум охирида "Лос-Бланкос"ни тарк этган Начо Фернандесга ўринбосар сифатида кўрилмоқда. El Larugeroнинг сўзларига кўра, Лапортнинг ўзи Европага қайтиш учун маошини бир неча марта камайтиришга тайёр, аммо унинг кетиши даргумон - "Ан-Наср" бу келишувга қарши.
Эмерик Лапорт ўтган йилнинг август ойида "Манчестер Сити"дан "Ан-Наср"га ўтган эди. Transfermarkt портали марказий ҳимоячининг ҳозирги нархини 20 миллион еврога баҳоламоқда ва унинг Саудия гиганти билан шартномаси 2026 йилнинг ўрталарига қадар амал қилади.
