2023/2024 йилги мавсум Чемпионлар лигаси финалида  “Mellstroy” ёзуви туширилган футболкада майдонга югуриб чиққан мухлис олти ойлик шартли қамоқ жазосига ҳукм қилинди ва суд харажатларини тўлашга мажбур бўлди. 

Бу ҳақда BBC хабар бермоқда. Учрашув Лондондаги (Англия) “Уэмбли” стадионида бўлиб ўтди.

Манбага кўра, 16 ёшли айбланувчи футболга қизиқмаслиги ва ҳеч қачон футбол ўйинларига бормаганлигини айтган.

Суд шартли қамоқ жазосини тайинлади, чунки йигитга "Mellstroy" лақабли беларуслик блогер Андрей Буримнинг таъсири аниқланди.

"Мен ёшларга кўпинча ижтимоий медиа таъсир қилишини пайқадим. Умид қиламанки, бу орқали сиз қимматли сабоқ олдингиз", - деди суд раиси.