Лондоннинг "Вест Хэм" клуби "Жирона"нинг украиналик ҳужумчиси Артём Довбикни қўлга киритиш учун курашга қўшилди.
Инсайдер Матео Мореттонинг сўзларига кўра, 27 ёшли украиналик футболчи "Атлетико Мадрид"га ўтишга яқин турибди, аммо форвард "матрасчилар" билан шахсий шартномаси шартлари бўйича ҳозирча келиша олмаяпти. "Рома" ва энди "Вест Хэм" Украина терма жамоаси футболчисини қўлга киритиш учун курашга қўшилди.
"Болғачилар" бу ёзда ҳужум чизиғини кучайтирмоқчи. Мутахассислар Довбикнинг трансфер қийматини 35 миллион еврога баҳоламоқда.
Эслатиб ўтамиз, ўтган мавсум Артём Довбик "Жирона" таркибида Испания чемпионатида 36 та ўйинда майдонга тушиб, 24 та гол ва 8 та голли узатмани амалга оширган.
