Ўзбекистон делегацияси футбол баҳсларидан сўнг яна бир спорт турида дебют қилди. Бугун, 25 июль куни камончилар Зиёдахон Абдусатторова ҳамда Амирхон Содиқов Париж—2024 ёзги Олимпия ўйинларининг яккалик дастурида дастлабки саралаш баҳсини ўтказиши режалаштирилган эди.
Бугун қайд этиладиган натижалар асосида плей-офф босқичи учун қуръа шакллантирилади.
Эркаклар ўртасида яккалик баҳсларида қатнашган Амирхон Содиқов 64 иштирокчи орасидан 674 очко тўплаб, 13-ўринни эгаллади. Энди у 31 июль куни 1/32 финал босқичида аргентиналик Марио Дамиан билан беллашади.
Аввалроқ Зиёдахон Абдусатторова 1-саралаш босқичидаги иштирокини якунлаган эди. Ўзбекистонлик камончи 649 очко тўплаб, ўзининг энг яхши натижасини қайд этди.
Энди Зиёдахонга 31 июль куни 1/32 финал босқичидан медаллар учун курашни бошлайди. Унга мазкур даврада чехиялик Мария Хорачкова рақиблик қилади.
Шу тариқа, ўзбекистонлик спортчиларнинг 25 июлдаги мусобақалардаги иштироки ўз якунига етди.
