O‘zbekiston delegasiyasi futbol bahslaridan so‘ng yana bir sport turida debyut qildi. Bugun, 25 iyul kuni kamonchilar Ziyodaxon Abdusattorova hamda Amirxon Sodiqov Parij—2024 yozgi Olimpiya o‘yinlarining yakkalik dasturida dastlabki saralash bahsini o‘tkazishi rejalashtirilgan edi.

Bugun qayd etiladigan natijalar asosida pley-off bosqichi uchun qur’a shakllantiriladi.

Erkaklar o‘rtasida yakkalik bahslarida qatnashgan Amirxon Sodiqov 64 ishtirokchi orasidan 674 ochko to‘plab, 13-o‘rinni egalladi. Endi u 31 iyul kuni 1/32 final bosqichida argentinalik Mario Damian bilan bellashadi.

Avvalroq Ziyodaxon Abdusattorova 1-saralash bosqichidagi ishtirokini yakunlagan edi. O‘zbekistonlik kamonchi 649 ochko to‘plab, o‘zining eng yaxshi natijasini qayd etdi.

Endi Ziyodaxonga 31 iyul kuni 1/32 final bosqichidan medallar uchun kurashni boshlaydi. Unga mazkur davrada chexiyalik Mariya Xorachkova raqiblik qiladi.

Shu tariqa, o‘zbekistonlik sportchilarning 25 iyuldagi musobaqalardagi ishtiroki o‘z yakuniga yetdi.