"Бордо"нинг қулаши давом этмоқда - Франциянинг энг номдор клубларидан бири инвесторлар билан келишувга эриша олмади ва француз футболининг учинчи дивизионига туширилди.
Аммо бу ҳаммаси эмас – клуб ўз профессионал мақомидан воз кечишини эълон қилди, яъни барча футболчиларнинг шартномалари бекор қилинади ва машғулот маркази ёпилади.
"Бордо" бу мақомга 1937 йилдан бери эга эди.
Эслатиб ўтамиз, “Бордо” олти марта Франция чемпиони бўлган – охирги марта 2009 йилда. Тўрт марта Франция кубоги, уч марта Лига кубоги ва Франция Суперкубоги, шунингдек, 1995 йилда Интертото кубоги ва Альп тоғлари кубоги соҳиби бўлган (1980 йил).
