"Сан-Паулу" ярим ҳимоячиси Хамес Родригес "Лацио" футболчисига айланиши мумкин, дея хабар беради Gazzetta dello Sport нашри.
Манбанинг қайд этишича, 33 ёшли футболчининг агенти Жорже Мендеш римликларга Родригес билан шартнома имзолашни таклиф қилган.
Аввалроқ, колумбиялик ярим ҳимоячини "Сельта" ва "Порту" сотиб олмоқчи экани маълум бўлганди.
22 июль куни Жеймс "Сан-Паулу" билан шартномасини бекор қилмоқчи ва Европага қайтиш ниятида эканлиги ҳақида маълумот пайдо бўлди.
Родригес Бразилия клубида 2023 йилнинг июлидан буён ўйнамоқда. Ярим ҳимоячи жамоа сафида 22 та ўйин ўтказиб, 2 та гол урди ва 4 та голли узатмани амалга оширди. У 2024 йилги Америка Кубогининг энг яхши футболчиси деб топилди. Турнирда футболчи Колумбия терма жамоаси сафида олтита ўйинда битта гол урди ва олтита голли узатмани амалга оширди.
