2023/2024 йилги мавсумни ўтказиб юборган "Манчестер Юнайтед"нинг собиқ дарвозабони Давид де Хеага бир нечта чемпионатлардан таклифлар бор. Бу ҳақда Todofichajes саҳифаларида хабар берилди.
Манбага кўра, улар 33 ёшли дарвозабонни МЛС, Саудия Арабистони чемпионати, шунингдек, А Серияда кўришни исташмоқда. Италия чемпионати испаниялик посбон учун маъқул вариант. 2023 йилнинг июлидан Давид эркин агент ҳисобланади.
У 2011 йилдан 2023 йилгача "Манчестер Юнайтед"да ўйнаган. Дарвозабон Испания терма жамоаси сафида 45 та ўйин ўтказиб, 36 та гол ўтказиб юборган. Унинг бозор қиймати беш миллион еврога баҳоланмоқда.
