"Барселона" ўз ҳужумчиси Витор Рокени қанчага қўйиб юборишга тайёрлиги маълум бўлди.
Diario Sport нашри хабарига кўра, Каталония клуби ёш бразилияликни сотишдан 40 миллион евро ишлаб олмоқчи. Қайд этилишича, бу трансфер "Барселона"га Дани Ольмо ва Нико Уильямсларни сотиб олишини осонлаштиради.
Аввалроқ Саудиянинг "Ал-Ҳилол" клуби 19 ёшли футболчининг трансфери борасида "Барселона" билан алоқага чиққани ҳақида хабар берилганди.
Эслатиб ўтамиз, Роке йил бошида “кўк-анорранглилар” сафига келиб қўшилган, аммо жамоада ўз ўрнига эга бўла олмаганди. Барча турнирларни ҳисобга олган ҳолда 16 учрашувда форвард фақат иккита гол урган.
