Эдуардо Камавинга Тони Кроос кетганидан сўнг "Реал Мадрид"нинг асосий футболчиси бўлмоқчи.
Айни дамда Франция терма жамоаси сафида Евро-2024да ўйнаган ярим ҳимоячи "Лос-Анжелес"да таътилда.
У таътилни кундалик машғулотлар билан ўтказмоқда. Футболчи беш йилдан буён ҳамкорлик қилиб келаётган шахсий физиотерапевти Томас Серафина назорати остида қаттиқ меҳнат қилмоқда. Уларнинг машғулотлари, хусусан, жароҳатларнинг олдини олишга ва ҳаракатчанлик ва чаққонликни оширишга қаратилган бўлиб, бу координацияни йўқотмасдан майдонда йўналишни ўзгартириш имконини беради.
Бундан ташқари, француз Давид Бекхэм, Криштиану Роналду, Серхио Агуэро ва Неймар билан ҳамкорлик қилиш ва омма олдида чиқишлари билан танилган Ден Эдвардс билан маслаҳатлашади. Мутахассис футболчиларни тайёрлашда катта тажрибага эга.
Қайд этилишича, 21 ёшли футболчининг янги мавсумдаги мақсади Тони Крооснинг кетиши фонида жамоадаги ўз мавқеини ошириш. Эдуардо ўйин режаси ва бошқа ҳолатлардан қатъи назар, доимий асосий таркибдаги ўрнини қўлга киритмоқчи.
