"Барселона" ҳужумчиси Витор Роке Саудия Арабистонидан фойдали таклиф олиши мумкин.
19 ёшли футболчига "Ал-Ҳилол" томонидан қизиқиш билдирилганди. Журналист Руди Галеттининг сўзларига кўра, Саудия Арабистони чемпионлари ростдан ҳам бразилиялик футболчига даъвогарлик қилмоқда, бироқ ҳозирча ҳеч қандай таклиф келиб тушмаган. Рокега бошқа даъвогарлар ҳам бор, футболчининг ўзи эса "Барселона"да қолиб, жамоадаги ўрин учун курашни давом эттириш ниятида.
Витор Роке Каталония клубига шу йилнинг бошида Бразилиянинг “Атлетико Паранаэнсе” клубидан ўтган эди. Форвард "блауграна" сафида барча турнирларда 16 та ўйин ўтказиб, иккита гол урган.
