"Barselona" hujumchisi Vitor Roke Saudiya Arabistonidan foydali taklif olishi mumkin.
19 yoshli futbolchiga "Al-Hilol" tomonidan qiziqish bildirilgandi. Jurnalist Rudi Galettining so‘zlariga ko‘ra, Saudiya Arabistoni chempionlari rostdan ham braziliyalik futbolchiga da’vogarlik qilmoqda, biroq hozircha hech qanday taklif kelib tushmagan. Rokega boshqa da’vogarlar ham bor, futbolchining o‘zi esa "Barselona"da qolib, jamoadagi o‘rin uchun kurashni davom ettirish niyatida.
Vitor Roke Kataloniya klubiga shu yilning boshida Braziliyaning “Atletiko Paranaense” klubidan o‘tgan edi. Forvard "blaugrana" safida barcha turnirlarda 16 ta o‘yin o‘tkazib, ikkita gol urgan.
