"Барселона" ва Нико Уильямс миш-мишларга қарамай, шартнома шартлари бўйича келишиб олишмаган.
Бир неча кун олдин испан манбалари Бильбаонинг "Атлетик" клуби вингери Каталония клуби билан 5 йиллик шартнома имзолагани ҳақида хабар тарқатганди. MD хабарига кўра, Уильямс ҳалигача "Барселона" таклифини қабул қилмаган. "Атлетик" 22 ёшли футболчини яна бир мавсум қолишга ишонтиришда давом этмоқда.
"ПСЖ" ҳам Нико Уильямс учун курашда ва баск клуби ўз юлдузини Ла Лигадаги рақибларидан бирига эмас, балки хорижий лигага сотишни афзал кўради. Бундан ташқари, парижликлар анча қулай шарт-шароитларни таклиф қилишади.
