"Милан" бош мураббийи Пауло Фонсека "Манчестер Сити" билан ўртоқлик ўйини олдидан "россонерилар" унинг қўл остида қандай ўйнаши ҳақида гапирди.
"Мен сизга 100 фоиз кафолат бера оламанки, сиз ҳужумкор "Милан"ни кўрасиз, ўйинларда устунлик қиладиган, тўпни тезда қайтариб оладиган ва мухлисларни фахрлантирадиган "Милан"ни кўрасиз.
Биз ўтган мавсумдагидан бошқача ҳимояланамиз. Мен солиштирмоқчи эмасман, лекин бу бошқача бўлади. Агар ғалаба қозонишни истасак, бу жиҳатни яхшилашимиз керак", - деди Фонсека Calciomercato билан суҳбатда.
"Манчестер Сити" – "Милан" учрашуви 28 июль куни, Тошкент вақти билан соат 03:00да бошланади.
