"Барселона" ўз ҳужумчиси Витор Рокени Саудиянинг "Ал-Ҳилол" клубига қанча маблағ эвазига сотишга тайёр бўлиши маълум бўлди.
Sport.es нашри хабарига кўра, "Ал-Ҳилол" 19 ёшли футболчини сотиб олиш мажбурияти билан ижарага олмоқчи. Бироқ "кўк-анорранглилар" бразилияликни 40 миллион евро эвазига тўлиқ трансфер қилишни талаб қилмоқда.
Ўтган мавсумда Роке "Барселона" сафида 16 та ўйин ўтказиб, иккита гол урган. Transfermarkt портали Бразилия ёшлар терма жамоаси футболчисини 30 миллион еврога баҳоламоқда. Футболчи шу йилнинг январь ойидан буён испан клуби шарафини ҳимоя қилмоқда.
