"Ювентус" бош мураббийи Тьяго Мотта ўйиндан кейинги матбуот анжуманида "Нюрнберг"га қарши ўйиндан (0:3) сўнг жамоа қандай сабоқ олиши кераклигини айтди.

26 июль куни туринликлар мавсумолди машғулотлари доирасида Германия 2-Бундеслигаси клуби билан ўртоқлик ўйинида майдонга тушиб, йирик мағлубиятга учради. "Нюрнберг"ни Германия терма жамоаси тарихидаги энг яхши тўпурар Мирослав Клозе бошқармоқда.

"Биз ўйинга кириб, уни назорат қила олмадик. Иккинчи бўлим анча яхши ўтди, ҳисобни тенглаштиришимиз мумкин эди, бу ўйинни ўзгартириши мумкин эди, аммо бу баҳона эмас. Ўйлайманки, биз албатта яхшироқ ўйнашимиз керак ва қила оламиз. Лекин умуман олганда, натижадан қатъий назар, қолган ҳамма нарсани яхши бажардик.

Ўйлайманки, биз ўйинни яхшироқ назорат қила оламиз. Назорат деганда рақибнинг ярмида тўп билан ўйнашни назарда тутяпман. Ҳужум қилиш имкониятини топишдан олдин ўйнаш ва рақибни чарчатиш учун тўпга кўпроқ эгалик қилишимиз керак. Иккинчи бўлимда баъзида яхши ўйнадик. Менга ўйиннинг иккинчи бўлимининг бошланиши ёқди - рақиб устидан устунлик қилиш ва уларга мослашишга имкон бермаслик. Бу бизнинг ғоямиз, шундай ўйнашимиз учун тўпга кўпроқ эгалик қилишимиз керак", - деди Мотта Tuttosport.com билан суҳбатда.

Мураббий, шунингдек, Турин клуби футболчиларини машғулотлардаги иш шиддатини камайтирмасликка чақирди.

"Биз яхши тайёргарлик кўрдик. Биз сўнгги кунларда кўрганимдек, худди шундай шиддат билан ишлашда давом этишимиз керак. Биз ишлашда давом этишимиз, ўйиндан ўйинга яхшиланишимиз ва шунинг учун ўзимизнинг энг яхши ўйинимизни топишимиз керак”, — дея қўшимча қилди Мотта.

Асли бразилиялик бўлган италиялик мураббий 2024 йилнинг 12 июнида “Ювентус”ни қабул қилиб олди. 2023/24 йилги мавсум якунида "бьянконерилар" Италия чемпионатида 3-ўринни эгаллади.