Айни пайтда бразилиялик ҳужумчи Эндрикнинг “Реал Мадрид” футболчиси сифатида тақдимоти бўлиб ўтмоқда. 18 ёшли футболчи "Лос-Бланкос" сафида 16-рақамда ўйнайди, деб хабар беради "Қироллик клуби" матбуот хизмати.
Эндрикнинг Испания чемпиони билан меҳнат шартномаси олти йилга тузилган. Ҳужумчи "Реал"га Бразилиянинг "Палмейрас" клубидан ўтган эди.
Transfermarkt портали хабарига кўра, форварднинг трансфери мадридликларга 47,5 миллион еврога тушган. Эндрик "Палмейрас" академиясининг битирувчиси. У асосий жамоа таркибида 80 та ўйин ўтказиб, 21 та гол урди ва 4 та голли узатмани амалга оширди.
