"Арсенал"нинг собиқ марказий ҳимоячиси Уильям Галлас "канонирлар" таркибида Александр Зинченконинг ўйин даражаси ҳақида гапирди.
"Менимча, "Арсенал" футболи Зинченко таклиф қиладиган нарсадан узоқлашди. Футбол - бу доимо ривожланиб борувчи ўйин. Айни дамда, энг яхши жамоаларнинг ҳимояда ҳаракат қилишга уриниши борасида яна ўзгармоқда", - деди Галлас Mirror билан суҳбатда.
27 ёшли футболчи 2022 йилнинг ёзида "Манчестер Сити"дан Лондон клубига ўтган эди. Бу даврда у барча мусобақаларда 68 та учрашувда қатнашиб, иккита гол ва тўртта голли узатмани амалга оширган. Футболчининг клуб билан амалдаги шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 38 миллион еврони ташкил қилади.
