"Манчестер Юнайтед" жорий трансфер ойнасида Кристиан Эриксенни сотишга тайёр.

Даниялик келаси ёзда шартномаси тугагач, эркин агент сифатида кетиши мумкин, шунинг учун клуб келаси ойдаёқ 32 ёшли футболчи билан хайрлашишни жиддий ўйламоқда. CaughtOffside хабарига кўра, "қизил иблислар" Эриксенни атиги 5 миллион еврога сотишга тайёр. Ярим ҳимоячига Бельгиянинг “Андерлехт” ва Нидерландиянинг “Аякс” клублари қизиқиш билдирмоқда.

Кристиан Эриксен икки йил аввал “Манчестер Юнайтед”га ўтган эди. У манкунианликлар сафида 72 та ўйинда майдонга тушиб, 3 та гол ва 13 та голга ассистентлик қилган.