"Реал Мадрид" Эндрикнинг Европа футболига мослашиши ҳеч қандай қийинчиликсиз ўтишига умид қилмоқда.
Яқинда ўзининг 18 ёшини нишонлаган форвард июль ойида "Палмейрас"дан "Лос-Бланкос" сафига қўшилди. Diario AS хабарига кўра, "Реал Мадрид" "Барселона"нинг хатоларини такрорламоқчи эмас: мадридликлар мураббийлар штаби Витор Рокенинг Каталония жамоасидаги муваффақиятсиз тажрибасини такрорламаслик учун мавсумолди ўйинларидан бошлаб аста-секин Эндрикни асосий таркибга киритади.
Роке "Барселона"га январь ойида "Атлетико Паранаэнсе"дан сотиб олинганди. 19 ёшли футболчининг агенти Бразилиядан кўчиб ўтгандан кейин "кўк-анорранглилар"да кўпроқ ўйин дақиқаларини олишни кутганини тан олди.
