"Барселона"нинг собиқ сардори Серхи Роберто фаолиятида илк бор ўзини бошқа клубда синаб кўради.
32 ёшли футболчи июль ойи бошида "блауграна" билан шартномаси тугагач, эркин агентга айланди. Испаниялик бошқа клублар билан музокара бошлашга шошилмади, чунки "Барселона" ярим ҳимоячига янги шартнома таклиф қилишини истисно қилмади. Sport хабарига кўра, Роберто энди каталониялик грандлар сафини тарк этиш борасида якуний қарорни қабул қилди. Футболчи вазият ойдинлашишини кутишдан чарчаган.
Серхи Роберто "Барселона" сафида 373 та ўйин ўтказган. Унинг асосий жамоадаги дебюти 2010 йилда Пеп Гвардиола бошчилигида бўлиб ўтган.
