Испаниянинг асосий жамоаси ғалаба қозонганидан роппа-роса икки ҳафта ўтиб, унинг муваффақиятини U19 ёшлар терма жамоаси ҳам такрорлади. Шимолий Ирландияда бўлиб ўтган 19 ёшгача бўлган ёшлар ўртасидаги Европа чемпионати финалида Испания терма жамоаси французлар дарвозасига жавобсиз иккита – ҳар бўлимда биттадан гол урди.

Учрашувнинг биринчи бўлимида Икер Браво 41-дақиқада рақиб дарвозасини ишғол қилди. Учрашувнинг иккинчи бўлимида эса автогол бўлди – Франция терма жамоаси ҳимоячиси Жереми Жак ўйиннинг 68-дақиқасида тўпни ўз дарвозасига йўллади.

Ўтган йили Италия терма жамоаси ушбу тоифада Европа чемпиони бўлганди - чемпионат ҳар йили ўтказилади.