Ispaniyaning asosiy jamoasi g‘alaba qozonganidan roppa-rosa ikki hafta o‘tib, uning muvaffaqiyatini U19 yoshlar terma jamoasi ham takrorladi. Shimoliy Irlandiyada bo‘lib o‘tgan 19 yoshgacha bo‘lgan yoshlar o‘rtasidagi Yevropa chempionati finalida Ispaniya terma jamoasi fransuzlar darvozasiga javobsiz ikkita – har bo‘limda bittadan gol urdi.
Uchrashuvning birinchi bo‘limida Iker Bravo 41-daqiqada raqib darvozasini ishg‘ol qildi. Uchrashuvning ikkinchi bo‘limida esa avtogol bo‘ldi – Fransiya terma jamoasi himoyachisi Jeremi Jak o‘yinning 68-daqiqasida to‘pni o‘z darvozasiga yo‘lladi.
O‘tgan yili Italiya terma jamoasi ushbu toifada Yevropa chempioni bo‘lgandi - chempionat har yili o‘tkaziladi.
