"Милан"нинг ўнг қанот ҳимоячиси Давиде Калабрия ўз клубини тарк этишдан бош тортди.
27 ёшли футболчининг келажаги ноаниқлигича қолмоқда, чунки унинг “россонерилар” билан амалдаги шартномаси бир йилдан камроқ вақт ичида тугайди. Инсайдер Маттео Мореттонинг хабар беришича, миланликлар сардори "Галатасарой"дан таклиф олган. Турк клуби италиялик футболчига амалдаги шартномасига нисбатан анча фойдали шартнома таклиф қилган, аммо у рад жавобини берган.
Давиде Калабриа бутун фаолияти давомида "Милан"да ўйнаган. У 2015 йилдаги дебютидан буён “қизил-қоралар” сафида барча турнирларда 258 та ўйин ўтказган.
