"Манчестер Юнайтед" вингери Антони фаолиятини бошқа жамоада давом эттириши мумкин.
Бразилиялик футболчи "Аякс"дан кўчиб ўтгандан сўнг Англиядаги икки мавсумни яхши ўтказгани йўқ, шу боис матбуотда футболчининг сотилиши мумкинлиги ҳақида доимий равишда гаплар кетмоқда. Журналист Эртан Сўзгуннинг ёзишича, Туркиянинг “Бешиктош” клуби Антонини нишонга олган. "Манчестер Юнайтед" 24 ёшли футболчини сотишга тайёр, аммо у кетиш ниятида эмас.
Антони "қизил иблислар" сафида барча мусобақаларда 82 та ўйинда 11 та гол ва 5 та голли узатмага муаллифлик қилган. Transfermarkt портали вингернинг нархини 25 миллион еврога баҳоламоқда.
