Суперлига 2-даврасидан олдин «Динамо» жамоаси ўз таркибини кучайтиришга эътибор қаратган.

«Динамо» ПФК жамоаси ёзги трансфер ойнасида бразилиялик Майкон Дуглас билан 2025 йилнинг охирига қадар белгиланган 1,5 йиллик шартнома имзоланганини эълон қилади. 23 ёшли таянч яримҳимоячиси Самарқанд жамоасига эркин агент сифатида қўшилди.

Майкон ҳозиргача Бразилиянинг «Магуари» клубида фаолият юритаётган эди. Йил бошида Ратиньо ҳам «Динамо» сафига ушбу клубдан келиб қўшилганди. Дуглас шунингдек, Бразилиянинг «Калденсе», «Витория», «Ботафого» ва Япониянинг «Осака ФК» клуби шарафини ҳимоя қилган.

Маълумот учун:
Тўлиқ исм-шарифи: Майкон Дуглас да Силва Нерис
Туғилган йили ва жойи: 2001 йил 11 апрел, Корурипи, Бразилия.
Бўйи: 177 см
Амплуаси: таянч яримҳимоячиси.