Жокович 1-даврада австралиялик Метью Эбденни мағлуб этди - 6:0, 6:1. Эбден яккалик баҳсларида британиялик Энди Маррейнинг ўрнини эгаллаганди.

Австралиялик спортчи жуфтлик бўйича анча машҳур ва бир неча йилдан буён яккалик баҳсларида ўйнамаган.

Жокович жуфтлик баҳсларида қатнашиб юрган спортчи қандай қилиб яккалик мусобақасига ўринбосар сифатида тайинланганини тушунмаяпти.

"Кимдир яккалик баҳсларини тарк этиши ва сиз унинг ўрнига жуфтлик баҳслари иштирокчисини қўйганингиз мен учун мантиққа тўғри келмайди.

Тўғрисини айтсам, бу спорт учун яхши иш эмас деб ўйлайман. Бу ерга келиш учун етарли вақтга эга бўлган кўплаб якка тартибдаги кучли ўйинчилар бор.

Умид қиламанки, ITF ва ХОҚ спортчини алмаштириш қоидасини ўзгартиради, чунки Мэтт қийин вақтни ўтказди. У икки йилдан бери яккаликда ўйнамаган", – деди Жокович.