Эмиль Смит Роу "Арсенал"дан "Фулхэм"га ўтади.
Клублар 23 ёшли ярим ҳимоячининг трансфери бўйича принципиал келишувга эришди, деб хабар беради Sky Sports журналисти Дармеш Шет.
Транзакция суммаси лондонликлар учун рекорд 34 миллион фунтни ташкил этади (27 миллион қатъий сумма, 7 миллион бонус).
Англиялик футболчи шу ҳафта "Фулхэм"да тиббий кўрикдан ўтади ва Португалиядаги йиғин учун янги таркибга қўшилади.
Ўтган мавсумда Смит-Роу Премьер-лигада 13 та ўйинда майдонга тушиб, 1 та голли узатмани амалга оширган.