Жанубий кореялик спортчи Хё Жин Пан Париждаги (Франция) Олимпия ўйинларида 10 метрга пневматик милтиқдан ўқ отишда 251,8 балл тўплаб, Олимпиада рекордини ўрнатди.
Кумуш медални худди шундай 251,8 балл билан хитойлик спортчи Ютинг Хуанг қўлга киритди. Олтин медал тақдири якуний зарбада ҳал бўлди.
Кореялик 10,4 балл, хитойлик рақиби эса 10,3 балл тўплади. Бронза медали Швейцария вакили Одри Гонига насиб этди (230,3).
Жанубий Корея терма жамоаси Париж Олимпиадасида аллақачон тўртта олтин медалга эга бўлиб, улардан иккитаси ўқ отиш бўйича баҳсларда қўлга киритилган. Гони Швейцария термасига илк медални келтирди.
