«Арсенал» Виктор Осимхен учун «Наполи» билан музокараларни қайта бошлади.
"Corriere Dello Sport" хабарига кўра, инглиз клуби сўнгги кунларда италияликлар билан музокараларнинг янги босқичини бошлаш ва долзарб маълумотларни олиш учун алоқага чиқди.
«ПСЖ» тахминан 130 миллион евро миқдоридаги товон пулини тўлашни истамагани учун ҳужумчининг трансфери бўйича музокараларни тўхтатди. Парижликларнинг 90 миллион еврога яқин таклифини «Наполи» президенти рад этди.
«Арсенал» келишувга қизиқиш билдирмоқда, аммо ҳозирда бор эътибор «Спортинг»дан Виктор Дьокерешни қўлга киритишга ҳаракат қилмоқда.
Қайд этилишича, охирги кунларда Осимхеннинг трансфери «Челси» билан ҳам муҳокама қилинган.
