«Арсенал»нинг янги футболчиси Риккардо Калафьори «Болонья»дан «канонирлар»га ўтгани ҳақида фикр билдирди.

«Бу ажойиб туйғу. Жамоа билан машғулотларни бошлаш ва мухлислар учун ўйнашни сабрсизлик билан кутяпман. Аслида бу менинг 12-13 ёшимдан бери орзум эди, чунки бу ерда Премьер-лига савияси ва назаримда дунёнинг энг яхши футболчилари тўп тепаётганини кўраман. Бу ерда ўйнаш нафақат мен учун, балки барча футболчилар учун орзу», - дейди ҳимоячи «канонирлар» матбуот хизматига.

Эслатиб ўтамиз, душанба куни «Арсенал» Калафьори трансферини расман эълон қилган эди. "Transfermarkt" маълумотларига кўра, ҳимояни кучайтириш «канонирлар»га 45 миллион еврога тушган.

«Ўйлайманки, бу мен учун кейинги бир неча йилдаги энг яхши лойиҳа ва ўйлайманки, бу ерда ўйинчи сифатида яхшиланаман», - дея қўшимча қилди Калафьори.