ОФК президентлиги учун ўз номзодини қўйган БАА футбол ассоциацияси президенти, ҳозирги кунда ОФК вице-президенти вазифада ишлаётган Юсуф ас-Серкал бир нечта давлатларга сафар қилишни режалаштирган.

У ҳозирги кунда БАА футбол ассоциацияси бош котиби Юсуф Абдулла билан Шарқий Осиёнинг бир нечта давлатлари, жумладан, Филиппин, Индонезия каби давлатлардаб бўлиб, ўзининг сайловолди компаниясини олиб бормоқда. Юсуф Серкал Марказий Осиё мамлакатларига ҳам ташриф буюришни режалаштирган. У апрель ойининг сўнгги 10 кунлигида Ўзбекистон, Тожикистон, Қирғизистон ва Туркманистонга ҳам сафар қилади. 27-28 апрель кунлари эса у Куала-Лумпурда турли мамлакатлар аъзолари учун матбуот анжуманида қатнашади.

Эслатиб ўтамиз, ОФК президенти лавозими учун сайлов 2 май куни ўтказилади ва унга қуйидагилар ўз номзодларини қўйишган:

Дато Ворави Макуди (Таиланд)
Д-р Ҳафиз Иброҳим ал-Мележ (Саудия Арабистони)
Шайх Салмон бин Иброҳим Ал-Халифа (Баҳрайн)
Юсуф ас-Серкал (БАА)