Спорт гимнастикаси бўйича Япония эркаклар терма жамоаси кўпкураш бўйича Олимпиада чемпиони бўлди.
Хитой терма жамоаси кумуш медални қўлга киритди, кучли учликка эса АҚШ гимнастикачилари якун ясади.
Қайд этиш жоизки, Хитойда олтин ютиш учун реал имконият бор эди, бироқ уларга Су Вейденинг брусдан йиқилиб тушиши халақит берди.
Гимнастика. Олимпиада 2024. Жамоавий кўпкураш. Эркаклар:
1. Япония терма жамоаси - 259,594 балл.
2. Хитой жамоаси – 259 062.
3. АҚШ жамоаси - 257 793.
Эслатиб ўтамиз, 2020-йилда Токиода (Япония) бўлиб ўтган Олимпиадада Россия олимпия қўмитаси (РОК) жамоаси эркаклар ўртасидаги кўпкурашда ғалаба қозонган эди. Японияликлар ўша ўйинларда иккинчи, хитойликлар учинчи бўлган.
