«Пахтакор» бош директори Дмитрий Адисман ОАВ вакиллари билан суҳбатда Москванинг «Спартак» клуби 19 ёшли ҳужумчи Муҳаммадали Ўринбоевни ўз сафига қўшиб олмоқчилиги ҳақидаги хабарга изоҳ берди.
“Биз «Спартак»нинг Ўринбоевга қизиқиши ҳақида ҳеч нарса билмаймиз. Биз билан ҳеч ким расман боғланмади”, — деди клуб директори «Спорт-Экспресс» нашрига.
Эслатиб ўтамиз, футболчи ўтган мавсумнинг иккинчи қисмини Англиянинг «Брентфорд» иккинчи жамоасида ижара асосида ўтказганди. Футболчининг «Пахтакор» билан тузилган меҳнат шартномаси 2024 йилнинг охиригача амал қилади. Ҳужумчининг трансфер нархи 250 минг еврога баҳоланмоқда.
