Мадриднинг «Атлетико» клуби ярим ҳимоячи Конор Галлахернинг трансферини якунлаш мақсадида Лондоннинг «Челси» клубига мурожаат қилди. Журналист Фабрицио Романонинг хабарига кўра, «кўклар» ўз тарбияланувчисини 35-40 миллион еврога баҳоламоқда.
Галлахернинг «Челси» билан шартномаси тугашига бир йил қолди, шунинг учун раҳбарият футболчини чегирма билан қўйиб юборишга тайёр. «Атлетико Мадрид» бош мураббийи Диего Симеоне англиялик ярим ҳимоячини ўз жамоасида кўришни жуда хоҳлайди.
Аввалроқ «Челси» 24 ёшли Галлахер билан янги шартнома борасида келиша олмаганди.
