Madridning «Atletiko» klubi yarim himoyachi Konor Gallaxerning transferini yakunlash maqsadida Londonning «Chelsi» klubiga murojaat qildi. Jurnalist Fabrisio Romanoning xabariga ko‘ra, «ko‘klar» o‘z tarbiyalanuvchisini 35-40 million yevroga baholamoqda.
Gallaxerning «Chelsi» bilan shartnomasi tugashiga bir yil qoldi, shuning uchun rahbariyat futbolchini chegirma bilan qo‘yib yuborishga tayyor. «Atletiko Madrid» bosh murabbiyi Diyego Simeone angliyalik yarim himoyachini o‘z jamoasida ko‘rishni juda xohlaydi.
Avvalroq «Chelsi» 24 yoshli Gallaxer bilan yangi shartnoma borasida kelisha olmagandi.
