Мисрлик қиличбоз Нада Хафез 2024 йилда Парижда (Франция) бўлиб ўтган Олимпиадада етти ойлик ҳомиласи билан иштирок этди.
Бу ҳақда спортчи ижтимоий тармоқларда хабар берди.
"Аслида платформада уч киши эдик! Бу мен, менинг рақибим ва ҳали туғилмаган чақалоғим! Фарзандим ва мен жуда кўп қийинчиликларга дуч келдик - ҳам жисмоний, ҳам ҳиссий. Турмуш ўртоғим ва оиламнинг ишончини оқлаганимдан бахтиёрман", — деб ёзди спортчи ижтимоий тармоқларда.
Спортчи 1/8 финал босқичига чиқишга муваффақ бўлди. Унда Хафез жанубий кореялик рақиби Чунг Хаюнга 7:15 ҳисобида имкониятни бой берди.
