Ёш ҳимоячи Дин Хейсен фаолиятини АПЛнинг “Борнмут” клубида давом эттиради.
Бу ҳақда "гилослар" матбуот хизмати хабар берди.
"Борнмут"нинг янги футболчиси клуб билан 6 йиллик узоқ муддатли шартнома имзолади. Transfermarkt хабарига кўра, харидор футболчи учун "Ювентус"га 15,2 миллион евро тўлаган.
Хейсен 19 ёшда ва Амстердамда туғилган, аммо ёш ўйинчи "Ювентус" академиясидан профессионал катталар футболига келган.
2024 йил бошида у "Рома"га 650 минг евро эвазига ижарага ўтди ва олти ойдан сўнг "Юве"га қайтди. Футболчининг асосий ва ҳозирча ягона позицияси - марказий ҳимоячи.
