Эртага (бизнинг вақт билан 1 август тонги) АҚШнинг Санта-Моника шаҳарчасида "Riyadh Season" мусобақалар туркуми доирасида проф бокс оқшоми ташкил этилади.

Биз учун аҳамиятлиси, ярим ўрта вазн тоифаси рейтингида биринчи ўринни эгаллаб турган чарм қўлқоп устамиз Шаҳрам Ғиёсов мексикалик Мигель Перрага қарши рингга кўтарилади. Бугун ҳар икки боксчи тарози маросимидан муваффақиятли ўтиб олишди. Ҳар икки боксчи белгиланган вазн меъёрини бажаришди.

Маълумот учун, 31 ёшли Шаҳрам Ғиёсов проф боксда 15 та жанг ўтказиб, уларнинг барчасида зафар қучган. Унинг рақиби эса 27 та жангда 22 ғалаба, 4 мағлубият ва 1 та дуранг қайд этган.