Халқаро триатлон иттифоқининг Х (собиқ Twitter) ижтимоий тармоғидаги расмий аккаунтида Олимпия ўйинларида триатлон бўйича бугун, 31-июль куни ўтказилиши режалаштирилган мусобақалар тўлиқ ҳажмда бўлиб ўтиши маълум қилинди.
"Биз сузиб борамиз", деди Жаҳон Триатлон матбуот хизмати ижтимоий тармоқларда.
Аввалроқ, Париж-2024 Олимпиада ўйинларида Сена дарёсидаги сув сифати ёмонлиги сабабли триатлончилар учун режалаштирилган иккита машғулот ўтказилмаган ва эркаклар ўртасида 30-июль, сешанба куни ўтказилиши режалаштирилган медалли баҳслар чоршанба кунига кўчирилган эди.
Шундай қилиб, бугун, 31 июль куни триатлон бўйича аёллар ўртасидаги мусобақалар ҳам ўтказилиши керак.
