“Манчестер Юнайтед” ярим ҳимоячиси Скотт Мактоминай “Туманли Альбион”ни тарк этиб, фаолиятини Туркия чемпионатида давом эттириши мумкин. Бу ҳақда deadlinedaylive аккаунтида хабар берилди.
Шотландиялик ярим ҳимоячи Истанбулнинг “Галатасарой” клуби билан музокара олиб борган ва меҳнат шартномаси бўйича келишиб олган. Туркия гранди футболчига йилига 5,5 миллион евро тўлашга тайёр. Энди клублар трансфер суммасини келишиб олишлари керак.
27 ёшли футболчи 2017 йилнинг ёзидан буён “қизил иблислар” сафини ҳимоя қилиб келмоқда. Мактоминей ва манкунианликлар ўртасидаги амалдаги шартнома 2025 йилнинг июнь ойи охиригача амал қилади.
