«Атлетик» вингери Нико Уильямснинг «Барселона»га ўтиши хавф остида. "Todofichajes" портали журналистларига маълум бўлишича, шу муносабат билан «кўк-анорранглилар» эътиборини бошқа испаниялик - Дани Ольмога қаратишга қарор қилишган. У каталонияликларнинг асосий нишонига айланди.
Жамоа 26 ёшли футболчи учун пулни бўлиб-бўлиб тўлаш борасида «РБ Лейпциг» билан келишувга эришмоқчи. Ярим ҳимоячининг трансфер қиймати 60 миллион еврога баҳоланмоқда. Ольмонинг "буқалар" билан шартномаси 2027 йилнинг ёзига қадар мўлжалланган.
Эслатиб ўтамиз, Дани Испания терма жамоаси таркибида Европа чемпиони бўлганди.
