«Atletik» vingeri Niko Uilyamsning «Barselona»ga o‘tishi xavf ostida. "Todofichajes" portali jurnalistlariga ma’lum bo‘lishicha, shu munosabat bilan «ko‘k-anorranglilar» e’tiborini boshqa ispaniyalik - Dani Olmoga qaratishga qaror qilishgan. U kataloniyaliklarning asosiy nishoniga aylandi.

Jamoa 26 yoshli futbolchi uchun pulni bo‘lib-bo‘lib to‘lash borasida «RB Leypsig» bilan kelishuvga erishmoqchi. Yarim himoyachining transfer qiymati 60 million yevroga baholanmoqda. Olmoning "buqalar" bilan shartnomasi 2027 yilning yoziga qadar mo‘ljallangan.

Eslatib o‘tamiz, Dani Ispaniya terma jamoasi tarkibida Yevropa chempioni bo‘lgandi.