Ҳужумчи Хулиан Альварес аввалроқ "Манчестер Сити"даги йирик ўйинларда кўпроқ вақт ўтказиш истаги ҳақида гапирган эди. Кейин Пеп Гвардиола аргентиналик футболчига жамоани тарк этишига рухсат берди. Энди Алварес бу сафар испаниялик мутахассиснинг сўзларига жавиб берди.
"Ҳа, мен Пепнинг айтганларини кўрдим. Мен ёмон ёки ғайритабиий нарса демадим. Доим “Манчестер Сити”да бахтли эканлигимни айтганман. Лекин ҳар мавсумдан кейин вазиятга баҳо бериш одатий ҳол. Ҳаммаси шу", - дея ижтимоий тармоқларда Альвареснинг сўзларидан иқтибос келтиради журналист Фабрицио Романо.
Матбуот хабарларига кўра, Мадриднинг "Атлетико" клуби 24 ёшли Хулиан Альваресга қизиқиш билдирмоқда.
