Маркус Рэшфорд мавсумни заиф ўтказди ва Европа чемпионатини ўтказиб юборди. Бироқ, "Манчестер Юнайтед" ҳужумчиси келажакка умид билан қарайди.
“Менимча, кексайган сари орзулар ўзгаради. Аввалига бу фақат "Манчестер Юнайтед"да ўйнаш ҳақида эди. Жамоага қўшилсанг, ғалаба қозонишни хоҳлайсан. Энди мен катта совринларни қўлга киритишни орзу қиламан. "Манчестер Юнайтед" билан АПЛ ва Чемпионлар лигасида ғалаба қозонишни истайман. Умид қиламанки, биз буни уддалай оламиз", - деди Рэшфорд клуб матбуот хизматига.
“Манчестер Юнайтед” янги мавсумдаги илк расмий ўйинини 10 август куни Англия Суперкубоги учун “Манчестер Сити”га қарши ўтказади.
