Криштиану Роналду биринчи марта Жоржина Родригесни рафиқаси деб атади.
Ўз уйидаги спорт залига экскурсия пайтида у "хотини билан" машқ қилишни яхши кўришини айтди. “Клубда машғулот ўтказмаган пайтларимда рафиқам билан уйда шуғулланишни яхши кўраман”, - деди 39 ёшли португалиялик.
Бунгача у ҳеч қачон Жоржина Родригесни хотини деб атамаган.
Эр-хотин етти йилдан ортиқ вақтдан бери муносабатларда. "People"нинг футболчининг оилавий аҳволи ҳақидаги саволига Криштиану Роналдунинг матбуот котиби "ҳозирда Криштиану Жоржинага уйланганми ёки йўқлигини билмайман", деб жавоб берди.
