Олимпия ўйинлари пайтида Парижда 31-июль куни ҳаво сифатининг ёмонлашуви қайд этилди.

Спортчилар кўзлар қичиши, йўтал, бўйин оғриғи каби аломатларга дуч келгани сабабли мутахассислар очиқ ҳавода машқ қилишни чеклашни тавсия қилмоқдалар.

Матч ТВ телеканалининг хабар беришича, метеорологлар 31-июль, чоршанба куни Парижда ҳаво сифати ёмонлашиши ҳақида огоҳлантирган.

Озон доминант ифлослантирувчига айланди. Мутахассисларнинг таъкидлашича, агар аломатлар пайдо бўлса (кўзларда қичишиш, йўтал, бўйин оғриғи ва бошқалар), очиқ ҳавода машқ қилишни чеклаш тавсия этилади.

Ҳаво сифати Олимпиада пайтида юзага келган ягона экологик муаммо эмас. Ўйинлар олдидан Сена дарёсида сувнинг юқори даражада ифлосланиши қайд этилган, бу эса спортчиларда ичак ва тери инфекцияларини келтириб чиқариши мумкин.

Сенада сув ифлослангани сабабли триатлончилар учун мусобақа олдидан иккита машғулот бекор қилинди, эркаклар ўртасидаги мусобақа эса қолдирилди.